كبسه بلحمه جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة.
- لحمه غنم كميه يلي بتحبي
- 3 كاسات رز بسمتي
- بصله
- حبتين بندوره صغار
- ملعقه كبيره بهارات كبسه وكاري كركم
- ملعقه صغيره فلفل احمر وزنجبيل ناعم
- لسلق اللحمه
- ورق غار عود قرفه حبات هيل بصله
- زيت
- 1 اول شي منقلي اللحمه بشويه زيت حتى تاخد لون من كل الجوانب منقلب معها لبهارات الصحيحه ومنكون عم نغلي مي منصب المي عللحمه ومنضيف ملعقه كبيره ملح وملعقه صغيره سكر ومنتركها تستوي السكر بيساعد على استوا اللحمه بسرعه وبضل فاتحه مابتعطي لون غامق
- 2 منفرم بصله ناعمه ومنقليها بزيت نباتي ومنفرم البندوره كتير صغير ومنقلبها معن ومنضيف لبهارات الناعمه كلها مع رشه سكر منشان حموضه البندوره وملعقه ملح ومنترك يغلو مع بعضن ع نار هاديه فيكي ضيفي كاسه صغيره من ميه سلق اللحمه طبعا بعد ماتكون استوت اللحمه
- 3 مننقع الرز ساعتين او اقل شوي منغسلو منيح ومنضيفو فو ق الصلصه ومنحط لكل كاسه رز كاسه ونص ميه سلق اللحمه منعدل الملح ومنترك الرز يستوي بس تنشف المي منهدي النار ومنتركو يتهدى بلا تحريك عشر دقايق
-
4
بعدين منحرك الرز بشوكه ومنسكب ومنزين بللحمه وبلعافيه
يجب عليك تسجيل الدخول لتتمكن من التعليق وإضافة تجربتك لهذه الوصفه
